sri express

සටහන: චන්දන ගුණසේකර- උපන්දින අරමුඳල වෙනුවෙන්. 

ඒ දෙදහස් දාහත වසරේ සීතල දුරැත්තේ තුන්වැනි ඉරිදා සැන්ඳෑ බාගයයි. විඩෙන් විඩේ වැටුණු චුරැ චුරැ වැස්සත් , පළාතම අඳුරින් වැසුණු මූසල පරිසරයත් සමඟම ඇදී ආ සීතලත් ගතටත් සිතටත් එක්කළේ මහා අලසකමක් කිව්වොත් එය නිවැරදියි. නිවසින් එළියට යනවා තබා පෙරෝනයෙන්වත් එළියට නොබැස ඇඳටම ගුලි වී ඉන්නට ගත සිත බල කළත් එක්තරා පිරිසකගේ හදවත් ඊට ඉඩ දුන්නේ නෑ. ඒ තමයි ලංඩනයේ " උපන්දින අරමුඳලේ " ක්‍රියාකාරී සමාජික සාමාජිකාවන් පිරිස. පැවති අලසකාරී වාතාවරණය මධ්‍යයේ වුවද ඔවුන් නියමිත වෙලාවට නියමිත ස්ථානයට පැමිණ සිටියා. ඒ උපන්දින අරමුඳලේ වාර්ෂික මහා සභා රැස්වීමට සහභාගී වීමටයි. 

සුළ මොහොතක ප්‍රමාදයකින් පසුව රැස්වීමේ වැඩ කටයුතු ආරම්භ වුණා. එහිදී පළමුව කට හඬ අවඳි කළ උපන්දින අරමුඳලේ නිර්මාතෘ හා එහි සභාපති ධුරන්ධර ජයන්ත හේරත් සොයුරා පැමිණ සිටි පිරිස ඉතාමත්ම උණුසුම් අයුරින් පිළිගනු ලැබුවා. ඉන් පසු සිදුවූයේ අපගේ ආරාධනය පිළිගෙන පැමිණි සිටි නවමු සාමාජිකයින් කිහිපදෙනෙකු හඳුනාගැනීමයි. 

ඉන් අනතුරැව මේ වසර දෙකහමාරක් වැනි කෙටි කලක් තුළ අප ආ ගමන් මඟ ගැන කෙටි සමාලෝචනයක් කිරීමට පැවරැනේ අරමුදුලේ ලේකම් වූ මටයි. මගේ කථාවෙන් පසුව අරමුඳලේ භාණ්ඩාගාරික ගොඩ්ෆ්‍රී ද සිල්වා සොයුරා විසින් අප මෙතෙක් කල් තර කර ගත් අරමුඳල් සහ අප ඒවා ලංකාවේ ව්‍යාපෘති සඳහා යෙදවූ ආකාරය පිළිබඳව සවිස්තරාත්මක පැහැදිලි කිරීමක් කරනු ලැබුවා. 

උපන්දින අරමුඳලේ ක්‍රියාකාරී සාමාජිකාවක වන මංජුලා අහන්ගම මහත්මිය අරමුඳලේ වටිනාකමත් එයට නව සමාජික සාමාජිකාවන් බඳවා ගැනීම සඳහා යෝජිත නව වැඩ පිළිවෙළ පිළිබඳවත් සභාව දැනුවත් කරනු ලැබුවා. 

ඉන්පසුව සභාපති තුමන් විසින් අරමුඳලේ ඉදිරි වැඩ කටයුතු ක්‍රමවත්ව සහ විධිමත්ව කරගෙන යාම සඳහා එතුමන් විසින් සකස් කළ යෝජිත වැඩ පිළිවෙළ සභාව හමුවේ ප්‍රකාශයට පත් කළා. එයට පැමිණ සිටි සියලුම සාමාජික සාමාජිකාවන්ගේ කැමත්ත පළවීමෙන් පසු අරමුඳලේ ඒ ඒ අංශ සඳහා වගකිවයුතු කළමනාකාරවරැන්( Directors) පත් කරනු ලැබුවා. මෙහිදී පුරප්පාඩු වූ අරමුඳලේ මහ ලේකම් තනතුර සඳහා දේවිකා රත්නායක මහත්මියව ඒකඡන්දයෙන් පත් කෙරැන අතර සභාවේ සෑම අයෙකුගේම මුහුණුවල පැවතියේ ඉතාමත්ම උද්යෝගයක්.

තම තමන්ට පැවරැනු තනතුරැවල වැඩ භාරගත් සාමාජික සාමාජිකාවන් ඒ අවස්ථාවේම තම තමන්ගේ කණ්ඩායම් සඳහා ඒ ඒ අංශයන්හී නිපුනතාවයන්, දැනුම හා අත්දැකීම් ඇති අනෙකුත් සාමාජික සාමාජිකාවන්ද එක්කරගනු ලැබුවා.

මේ වනවිට හෝරා දෙකකුත් ඉක්මගොස් තිබූ අතර සභාවාරයේ වැඩ කටයුතු වල අවසානය මඳින් මඳ ළංවූවා. ඒ අවස්ථාවේ අප සාමාජිකාවන් පිරිසක් ඔවුන් තම තමන්ගේ නිවෙස්වලින් සකසාගෙන පැමිණි ප්‍රණීත ආහාර හා තේ පැන් සංග්‍රහයක් පැමිණවුන් පිරිසට පිළිගන්වනු ලැබුවා. එයද සතුටින් භුක්තිවිඳි සභාතොමෝ ඉතාමත්ම සතුටින් විසිර ගියේ තමන්ගෙන් තම මව්බිමට ඉටුවිය යුතු යුතුකම ඉතා ඉහළින් කරනබවට සහතික වෙමින්. ඊළඟ හමුවේදී ඉදිරියට කරන ව්‍යාපෘති හා අරමුඳල් තර කර ගැනීමේ වැඩ පිළිවෙළ ගැන සාකච්ඡා කර ගැනීමට එකඟ වී සියල්ලෝම ශාලාවෙන් එළියට පැමිණෙන විය, හැන්දෑවෙ පැවති වැස්ස තුරල් වී දුරැතු සඳ ගුවන් ගැබ අරා විද්‍යාමාන වුයේ උපන්දින අරමුඳලේ ඉදිරි ගමනට ආශීර්වාද කරන්නටම වගේ කියලයි මටනම් හිතුණෙ. 

සටහන: චන්දන ගුණසේකර- උපන්දින අරමුඳල වෙනුවෙන්. 


Sri Express
Sri Express
Sri Express
Sri Express
Sri Express
Sri Express
Sri Express

Disclaimer: Sri Express does not endorse or adhere to views or opinions expressed in the articles posted. This is purely an information site, to inform interested parties of sri lankans around the world. Photos and other content materials posted at SriExpress might be from other websites, the legal copyrights of those content belong to the actual owners. Using or re posting any content without prior written consent of copyright owners is not permitted. Publisher have taken every effort to acknowledge the copyright owners where possible, but there might be some missing out. If you feel any of your copyrighted material is seen without acknowledgement, email us at This email address is being protected from spambots. You need JavaScript enabled to view it.. We will remove them immediately from the site.

Share this article

Submit to Facebook Google+ +1 Button Submit to StumbleuponSubmit to TwitterSubmit to LinkedIn
Template Settings
Select color sample for all params
Red Blue Green Black Yellow
Background Color
Text color
Google font
Body font-size
Body font-family
Direction